KNAPK: Arfeqassutsimik kisitsisimanerit naammaginanngillat

Arfeqassuseq pillugu Pinngortitaleriffiup misissuisarnera KNAPK-mit uparuarneqarpoq. Uparuaaneq aallaaveqarpoq, IWC-p ilisimatusarnermut ataatsimiisitaliaata ippassaq Kalaallit Nunaanni tikaagullinnik tikaagulliusaanillu pisassaritinneqartut ikilisaqquneqareersullu.

Taamatut kajumissaarisoqarnera KNAPK-mit naammagineqanngilaq, biologillu timmisartumiit kisitsisarsimanerat aamma uppernanngitsoq KNAPK-mit oqaatigineqarpoq. Pinngortitalerifiup timmisartumiit 2004-mi tikaagullinnik kisitsisimanerani, tikaagulliit marluinnaviit naammattoorneqarsimammata, tamanna upperineqarsinnaanngitsoq, KNAPK oqarpoq. KNAPK-mit ajqutaasimasutut taaneqarpoq, kisitsinerit kangerlunni ingerlanneqarsimannginneri.

- Biologit kangerlunni misissuisimagaluarpata, assilisat uppernarnerusimassagaluarput, tikaagulliimmi tikaagulliusaallu, kangerlunni neriartortartut piniartut ilisimavaat, KNAPK-mi siulersuisuni ilaasortaq Leif Fontaine oqarpoq.

KNAPK, isumaqarpoq IWC-p piumaqasaqarnera aallaavigalugu, aappaagu arfernik kisitsisoqalerpat, piniartunut biologinit tusaaniarnerusariaqartut.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat