KNAPK: Aalisarnermut inatsisissaq peqqissaarunneqartariaqarpoq
Kalaallit Nunaanni aalisartut piniartullu Kattuffianni siulersuisuunerini Ulluinnarni Aqutsisut isumaqatigiillutik nalunaarput, aalisarnermut inatsisissatut siunnersuutip imaa allanngortinnagu akuerineqassagaluarpat, Kalaallit Nunaanni aalisarnerup ingerlanneqarnera nangiarnarluinnartumut inissinneqassasoq.
Allattoq Oline I. Olsen
- Malunnarpoq aalisarnermut inatsisissatut siunnersuut pipallataavallaartoq sukumiisuunngitsumillu suliaanngitsoq, KNAPK-p siulittaasua Peter Olsen oqarpoq.
KNAPK-p siunnersuutigaa aalisarnermut kommissionimik pilersitsisoqartariaqartoq, aalisarnermullu inatsisissaq aatsaat akuerineqassasoq aalisarnermut kommissionimi suliarineqareerpat.
Pilersaarutit naapertorlugit aalisarnermut inatsisissatut siunnersuut sisamanngornermi septembarip ulluisa 27-ani 2007-mi inatsisartuni siullermeerlugu oqaluuserineqassaaq