Issittup imartaa uumasuerukkiartorsinnaasoq
Natureworldnews.com ilisimatuutut misissuinermik Nature Communicationsimut saqqummiunneqartumik tunuliaqutaralugu taama allaaserisaqarpoq.
Kvælstof, nitrogenimik aamma taaneqartartoq, naasunut naggorissaataasarami uumasunut naasunullu pingaaruteqartorujussuuvoq. Kvælstoffeqarpallaarpalli immap sissallu naasuisa ilaannut naggoritsitsisarpoq, tamannalu imaani uumasunut innarliisinnaavoq.
Issittup imaata naqqa annertuallaanngikkaluarluni kvælstoffeq immamiittoq annertooq piiartarpaa.
Kiatsikkiartornerali sikullu aannera pissutigalugit immap naqqani uumasut akornuserneqarsinnaapput, taamaalillunilu bakteriat, uumasut naasullu kvælstoffimik piiaavallaarsinnaajunnaassallutik.
Tamatuma saniatigut inuit naggorissaatissanik atuinerat imermillu maangaannartitsinerat pissutigalugit kvælstoffimik aniatitsinerupput.