Assi: Peqqik.gl

Klassit Pujortarfiunngitsut 2015 toqqarneqartut

Unammisitsinermi 2015-imi klassi pujortarfiunngitsumi ajugaasoq Peqqissutsimut Naalakkersuisup Doris Jakobsenip toqqarpaa.

Ajugaasutut akissarsiaq 30.000 koruunit Akunnaami Aadap Atuarfiani 1.klassimiit 8.klassinut atuartunut tutsinneqarput, Tasiilamilu Alivarpimmi 6.x normu 2-tut toqqarneqarlutik, 15.000 koruuninillu akissarsiassaqartinneqarlutik.

Klassi pujortarfiunngitsumi inersimasut akisussaaffiat unammisitsinermi sammineqarpoq. Peqqissutsimut Naalakkersuisoqarfimmut qaammarsaarnermi atorsinnaasunik amerlasuunik isumassarsianillu pitsaasunik Naalakkersuisoqarfik tigusaqarsimavoq qanoq pujortarfiunngitsoq ingerlanneqarsinnaasoq klassit aqqaneq-marluk unammisitsinermi peqataallutik.

Aadap Atuarfiani ajugaatinnerinut makkua ilaatigut: Atuartut takusassianik kusanartunik suliaqarsimanerat, ersersillugu pujortarnerup timimut sunniutai ajortut.

Atuartut isumassarsiorsimapput assigiinngitsunik nutaaliorlutik unamminermi.

Cigaretit kimmivikui katersoriarlugit kisillugit nalingi naatsorsorlugit.

Pinaveersaartitsineq eqqarsaatigalugu pisiniarfik meeqqerivillu suleqatigisimavaat, taamaasillutillu oqariartuut amerlanernut sunniuteqartillugu.

Tasiilami Alivarpimmi 6.X-it normu 2-upput uku peqqutigalugit: Atuartut oqaluttualiorsimapput, pitsaasumik isumalimmik oqariartuutilimmillu, meeqqanit inersimasunillu paasineqarsinnaasumik.

Oqaluttualiorneq oqariartornermi isumassarsiaavoq nutaaq, isumassarsiorluarnikkut qalipaasersuinikkut titartakkatigullu unammisitsinerup oqariartuutaa takutillugu nuannersumik piuminartumillu.

- Ajugaasut naniniarnissaat ajornakusoorsimavoq. Siunnersuutimmi piukkunnartorpassuusimapput. Ajugaasullu ukiormanna assigiinngitsunik marlunnik ajunngilluinnartunik isummersuillaqqillutillu nassitsisimapput. Taamaattumik ajugaasut pilluaqqorujussuarpagut, Peqqinnissamut naalakkersuisoq Doris Jakobsen oqarpoq.

Ajugaasut suliaat Nuummi nunatta atuagaateqarfiani, ullumimiit januarip 13-iata tungaangut saqqummersinneqassapput. Ajugaasut suliaat aamma nittartakkami www.peqqik.gl-mi takuneqarsinnaapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat