Klarlund: TV qarasaasiarlu naamik
Qallunaat peqqissussaannik siunnersuisoqatigiit isumaqarput, meeqqat tv-mik isiginnaarpallaartartut aammalu qarasaasiaq atorlugu pinnguaatinik pinnguarpallaartartut, peqqissutsimikkut innarlerneqarsinnaasut taamaattumillu tv-mik qarasaasiamillu atuinerat killilersimaarneqartariaqartoq.
Meeqqat ullormut sivisunerpaamik nal.ak. marlunni tv-mik isiginnaaqqunaqaat, siunnersuisoqatigiinni siulittaasoq, Bente Klarlund tamanna pillugu ima Danmarkip radioanut nassuiaavoq:
Ullut tamaasa tv-mik imaluunniit isiginnaarut atorlugu isiginnaartarneq nal.ak. ataatsip qaangiunneri tamaasa inersimasut meeqqallu puallariartulernissamut qanittuararsuanngortarput.
Uninngaannarpallaarnerullu nassataanik puallariartulernikkut nappaatit ajoqutillu assigiinngitsut saqqummeriartulersarput. Meeqqallut ullormut nal.ak. pingasut tv-mik isiginnartartut puallariartulersinnaanerat pingasoriaammik annertusisarpoq.
Ajunnginnerpaavorlu sivisunerpaamik meeqaat nal.ak. marluk tv-mik isiginnaartarunik.
Siunnersuisoqatigiinneersoq aperineqarami qanoq ilillutik meeqqat timersornerulersinneqarsinnaanersut akivoq:
- Tv-mik sivisuallaamik isiginnaaqusinngineq inerteqqutitut tiguneqassanngilaq, meeqqat pinnguarnissaannut illersuinertut paasineqassaaq, meeqqammi tv-mik isiginnaagaqanngikkaangamik susassaaleqileriannguarlutik pinnguarumatuujusarmata.
Pinnguaqusinermimmi oqariartuut pitsaasuuvoq, meeqqanimmi aneertitsilluni pinnguaqqusisinnaaneq peqqinnartuuvoq, meeqqallu angerlarsimaffimminni isersimaannartuunngitsut poqersunngortarput peqqissuusarlutillu.