Assi: Simon Uldum

Klamydia akiuussutissaqalilersoq

Statens Serum Institutip akiuussutissaq danskinit ineriartortinneqartoq tulunnut arnanut 35-nut misiligutigaa. Kinguneralu qiimmannarpoq.

Arnani misiliiviusuni tamani akiuussutissaq siunertaminut naapertuuppoq, atuagassiami ataqqineqartumi The Lancet-imi allaaserineqarpoq, kingunerisaalu “ingerlariarujussuarneq”-mik taallugu.

Nunarsuaq tamakkerlugu inuit 131 milliuunit ukiut tamaasa klamydiamit eqqugaasarput.

Nunatsinniiinnarlu 3.447-t klamydiamit 2017-imi eqqugaapput.

AAMMA ATUARUK Klamydia og gonoré rammer også børn

Hvidovre Hospitalimii professorip Henrik Westhip akiuussutissaqalilernera “tupinnaannartuusoq”-mik oqaatigaa.

-Akussakkut aseruuttoornerit, illissap avataatigut naartunerit aamma naartulersinnaannginnerit pinngitsoortissinnaassavai.  Inuiaqatigiit naartulersinnaanngitsunik naartulersisinnaaniarnerinut nakorsarniarinut akisoqisunut sipaaruteqartissavai, amerlanerit pissusissamisoortumik naartulersinnaalissammata, Politikenimut oqarpoq.

Henrik Westh nangippoq “nukappiaqqat niviarsiaqqallu kinguaassiuutitigut atoqatigiittalersinnagit akiuussutissaleraanni isumatusaarnerussaaq.”

Utaqqisariaqarporli. Akiuussutissap atorneqarsinnaalernissaanut suli sivikinnerpaamik ukiut tallimat utaqqisariaqassaagut.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat