Kitsissuarsummiut ajugaasut

Aasiaat nunaqarfianni Kitsissuarsunni atuartut 9. klassemeersut atuarfimmi klasset sorliit Kalaallit Nunaanni pujortarfiunngitsutut najoqqutassanik ineriartortitsillaqqinnerpaanersut PAARISA-p ukiumoortumik unammisitsinerani ajugaasuupput.
Allattoq Mads Lynge
decembarip 14-at 2007 14:47

Klassemi atuartut Paninnguaq Larsenip Ida Larsen Mølgaardillu taaguutip ’Ukiumi Klasse Pujortarfiunngitsoq’-p saniatigut checki 20.000 koruuninik aningaasartalik tiguaat.

’Klassemi atuartut nalunaarusiaq allalluagaq tunniuppaat. Suliassatut pilersaarutaat imartuujuvoq peqqissaartumillu pilersaarusiorneq tunngavigalugu suliniutit ingerlanneqarsimallutik. Klassemi atuartut aammattaaq atuarfitsik, angajoqqaatik, innuttaasut nunaqarfimmilu avatangiisit ilanngussimavaat’, PAARISA tunngavilersuummini allappoq.

Nunaqarfimmi atuarfiup atortussiaasa annertuut saniatigut DVD-mik filmiliaq suliarineqarsimavoq ilaatigut qanimut avatangiisit pujortarnermit qanoq sunnerneqartarnerannik takutitsisoq. Klassemi atuartut aammattaaq powerpointimik takutitassiaq titartaanermillu unammisitsineq suliarisimavaat. Taakkua tamarmik kusanaqaat eqqarsaatigilluagaallutillu.

PAARISA-p upernaamut aamma ‘2008-mi Klasset Pujortarfiunngitsut’ pillugit unammisitseqqissaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq