Kitsissuarsuit 175-inngortorsiorpoq

Kitsissuarsummiut 115-it missaanniittut nunaqarfimmi ullumi ukiunik 175-sinngornera aallartilluarpaat.

Nunaqarfimmi aqutsisut siulittaasuata siunissaq taaartuinnarsuartut isiginngilaa

Ullaaq arfineq pingasunut nunaqqatigiit aappalaartuleqatigiipput Qaqamik taagugaanni.

Nunaqarfimmi aqutsisuni siulittaasoq Johannes Jerimiassen nalliuttorsiorneq ammarlugu oqaaseqartuuvoq. Taassuma oqaatigaa avataaniit tikerartoqarsimasoq ullullu ingerlanerani tikillattaartoqarsimalluni. Johannes Jerimiassenip

Nunaqqatigiit siunissamut isumalluarnerarpai:

- Maani nunaqavissugut isumalluartuaannarpugut maani nunaqarnitsinni siussami arlaatigut angusaqartoqarnissaanik, siunissaq taatuinnarsuartut isigineqanngimmat.

Tupersualiarineqarsimasumi ualip ingerlanerani nerersuaqatigiinneqarpoq, aliikkusersuinertalimmik.

Nalliuttorsiorneq aqagu nangillugu Imaani ajunaarsimasut eqqaassutissat kransilerneqartussaavoq.

Aamma Kitsissuarsunnik 1830-mi tunngaviliisup eqqaassutissaa uleerneqartussaavoq.

Tunngaviliisuulluni qallunaaq Frans Frederiksen.

Ullup ingerlanerani alortussaatigineqartunut ilaavoq umiamik tikiuttoqarnera. Nunamut qaqinneqarmat qangatut amiinnarnik tupiliarineqarsimasup eqqaanut

taanna inissinneqarsimalluni.

- Taamaattunik takujuitsuulluni assut alutornarpoq, Kitsissuarsunni nunaqarfimmi aqutsisut siulittaasuat Johannsen Jerimiassen naggaatigut oqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat