Trampolinit maqaasiviuk? Umiatsiat qanoq ippa?

Facebookimi allagarsiussarineqartut taama ittut kitaata sineriaani sapaatip akunnerata naanerani anorersuarmat takussaapput.

Kalaallit Nunaanni Politiit teqqaasunik inunnut ulorianartorsiortitsisoqassanngimmat, innuttaasut tallimanngornermi pigisaminnik isumannaarsuinissamut piareersaqqutaat.

- Inuit anorersuarnissaanut piareersarluarsimarpasipput. Anorersuarnerani kaleriisoqanngilaq, Kalaallit Nunaanni Politiit pigaartuat, Aqqaluk Petersen oqarpoq.

Nuummi umiarsualivitoqaq malinnit aamma qarsuteqattaarneqarpoq.

DMI-p oqarnera naapertorlugu mallit 6 meterinit 8 meterinut portussuseqarput.

- Ukiaanerani naqitsiniisaffeqarpoq, taanna maanna Baffinip kangerliumarnganiippoq. Naqitsiniisaffik annikilliartorpoq, taamaakkaluartorli kitaata sineriaata avannarpasissortaani unnuaru suli anorlertitsingaatsiassaaq. Aasiannit avannamut ingerlaarpoq, DMI-mit Erik Jensen oqarpoq.

- Anori ullup ataatsip kingulliup ingerlanerani sumiiffimmi annertuumiippoq. Taamaalillunilu mallit 6 meterinut 8 meterinut portutigilerput. Mallit kujammut-kippasissumeerput sinerissaamilu sakkortuutut misigineqartassallutik.

- Suli anorlerunnaanngilaq. Sakkortunerpaartaali aqagu ullaaralaakkut qaangiukkiartulissaaq.

Video: Pavia Tobiassen. Malerujussuit Nuummi Nuutoqqamut apuuttaarnerat.

Qeqertarsuarmi imaq illoqarfimmut aamma anguttarpoq. 

Billede: Felix Brandt.

Anori sapaatip-akunnerata naanerani sekundimut 30 meterinik sakkortussuseqassasoq tallimanngormat ilimasaarutigineqarpoq. Taamaammallu  sineriaap ilarujussuani sapaatip-akunnerata naanerani anorersuarpoq.