Kitaani saattuarniarneq unikkallarpoq

Naalakkersuisut saattuartassiissutit pillugit kiisalu aalisarsinnaagallarnissaq pillugu decembarip 29-ani ataatsimiinnerminnik aalajangiuppaat Namminersornerullutik Oqartussat saattuarniarneq pillugu nalunaarutaanni nr. 8-mi, 7. juni 2004-meersumi § 11 naapertorlugu piffissami januaarip aallaqqataaniik 31. marsi ilanngullugu kitaani 64 grademi avannarpasissutsimilu 15-mi avannaani inuussutissarsiutigalugu saattuarniarneq inerteqqutaasoq.

Taamaammat naalakkersuisut aalajangiuppaat, Nuummiit kujammut sinerissap qanittuani angallatinut aalisarsinnaagallarnermik nalunaaruteqartoqassasoq. Taamaammat sumiiffinni aqutsiviusuni Nuummi Paamiunilu kiisalu sumiiffinni aqutsiviusuni Narsami Qaqortumilu 2004-mi saattuarniarsinnaanermut akuersissutillit januaarip aallaqqataaniit 2005-mi aalisarallarsinnaasut, naalakkersuisut 2005-mut saattuarniarnermi tamakkiisumik TAC-mik aalajangiinissaasa tungaanut.

Biologit siunnersuutigisimasaat 2005-milu saattuarniarnerup aaqqissuunneqarnissaanik eqqartuiffiusussaq aalisarneq pillugu siunnersuisoqatigiit immikkut ittumik januaarip sisamaani ataatsimiilerunik eqqartussavaat.