Kissanngitsumik errorsisarnissaq innersuussutigaat

Errorsisarnitsinni erngup kissassusaa 20-30 gradinut appartittuugutsigu pinngortitaq asattuunnerussagaluaripput, nunani allani misilittakkat takutippaat. Maanimi sungiusimaannarunarparput errortat pinngitsoorani 40 gradiniit qummut errortarlugit.
maajip 22-at 2009 13:33

USAmi errorsisut pingasuugaangata ataatsip errortani nillertumik errortarpai. Spaniamiut iluarineruaat 30 gradiinnangajammik errorsisarneq. Japanimiullu errorsivimmik kissartumik imminngikkaluarlugu errortatik eqqertittarpaat. Danmarkimili kissartumik errorsisarneq ilitsoqqussaavoq.

- Kissartumik errorsisarneq sungiutiinnagaraarput, allanngortikkuminaallunilu, innaallagissamik sipaarnissamik aningaasaateqarfimmeersoq Mads Christiansen nassuiaavoq.

Tysklandimi misissuinerit misileraanerillu ersersippaat errorsinerit 99,7 procentiini kissassuseq apeqqutaatinnagu errortani barteerissat toqunneqartarneri.

- Tamannalu aningaasanik sipaarnissamut avatangiisinullu iluaqutaaginnassasoq, Mads Christiansen naggasiivoq.

Danmarkimi nappaatinik tunillannartunik nakkutilliisoqarfiup inassutigaa timmittaraanni nuakkaanniluunnit kissartumik errorsisarnissaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq