Folketingimut qinersinissami partiit qinigassanngortitaat amerlanerit saqqummiunneqareeraluartut, inuit ataasiakkaat partiit avataanni qinigassanngortinnissaminnut suli periarfissaqarput..
Qinigassanngortikkusuttut kingusinnerpaamik januaarip 28-anni nalunaareersimasussaapput.
Kisimiilluni qinigassanngortinniaraanni ikinnerpaamik atsiornernik 100-nik katersisoqarsimassaaq.
Partiit avataanni qinigassanngortittut qinigassanngorteqatigiissinnaapput, tamatumanili aamma qinigassanngortittut ataasiakkaat atsiornernik 100-nik katersissapput. Atsiornerit tamakku kommunimit ataasiinnarmeeratik nunatsinnit tamaneersinnaapput.