Kisitsisit kingusinaartumik apuuttarsimapput

Qinersinerup unnukkuani taasinernik kisitsinermi inernerit ilaasa kingusinaartumik apuuttaqattaartut isiginnaartartunit maluginiarneqarsimassaaq.

Kisitsisit inerneriugallartut qinersinermi ataatsimiititaliamut faxerneqartarput, kisitsillu ataatsimiititaliamit misissoqqissaarneqartarlutik.

Kisitsisit ilaasa naapertuutinngitsut qinersinerup unnukkuani qinersinermi ataatsimiititaliamit paasineqarsimapput. Qarasaasiamut immiussinermi kisitsisit kukkusut ikkunneqartarsimapput, kukkusumillu kisitsisoqartarsimalluni. Tamanna pissutigalugu kisitsisit misissoqqinneqartariaqarsimapput, kingusinaarutaasumik.

Qinersinerup ingerlarnga pissusissamisut ingerlasimagaluartoq, qinersinermi ataatsimiititaliamit misissorniarneqarpoq kisitsisinik saqqummiussinermi periaatsit qanoq pitsanngorsarneqarsinnaanersut.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat