Kisimiittut silap pissusaanut allanngoriartortitsipput

Avittarnerit nunarsuatta silaannaanut pitsaanngillat. Aappariillu avittartut nunarsuatsinni amerliartornerat pissutigalugu nunarsuatsinni pissutsit tamanna ajorsiartornerannut patsisaaqataavoq.

Taamatut Amerikamiut ilisimatusartui Politikenip allaaserinninneratut inerniliipput. Inuimmi marluk tamarmik immikkoorlutik najugallit inunnit marlunnit illumi ataatsimi najugaqatigiissuninngarnit nukimmik nukissamillu annertunerusumik atuisarput.

Michigan State Universitymi ilisimatusartut inerniliipput aappariit siornatigut inooqatigiissimasut aammalu tamarmik immikkuulersimasut imeq aappariikkallaramik imertakkaminninngarnit 60 procentimik annertunerusoq imertaraat.

Ilisimatusartut Amerikamiut angerlarsimaffii tuusintilikkuutaartut 2001-imiit 2005-imullu alapernaarsugarisimavaat. Avinnerit avinngikkallaramilli ”nukimmik atuillaqqinnerusuugunik” USA-p ukiuni taakkunani innaallagissamut uuttuutini 73 milliard kilowatt-tiimit kiisalu imeq 2.300 milliardi liiteri sipaarsimassagaluarai ilisimatusartut allapput.