Kirkens Korshær Nuummi

taamak nalunaaruteqarpoq Kirkens Korshærimi pisortaq Bjarne Lenau Henriksen. Tamanna pivoq tarnimikkut napparsimasunut nakorsamit Vibeke Husfeldtimit saaffigineqareernerminit. Vibeke Husfeldt saaffiginnissimanini tunngavilersorpaa.

Tarnit nakorsaat Vibeke Husfeldt oqaluttuarpoq:-Napparsimasoq suliaritereermat napparsimmavimminngaanniit aqqusinermut anisittariaqarsimavarput, tassami angerlarsimaffeqanngilat sumiiffissaqarnanilu, tusaamavara unnuiffissamik decemberimi pilersitsisoqarnikuusoq, tamannalu qujanaqaaq periarfissaammat, kisiannili ullukkut taamak issitsigitillugu sumiissava? Tassa suliaritereersutut nalunaarutigisussanngorakku isumaliulerpunga erloqinaqisumut siunissamut igiinnassallugu, tassami taamatut anisiinnassagaluarukku qularnanngivissumik innarteqqittariaqassaaq nappaqqissammammi.

Vibeke Husfeldt Københavnimi Kirkens Korshærimut saaffiginnippoq akigasuarneqarlunilu:-Nuannaajallaatigeqisannik akigasuarpaannga, akippullu ikiuukkusullutik, tassami taakku neqeroorutigisinnaavaat angerlarsimaffeqanngitsunut, soraarnerussutisiaarsimasunut arlaatigullu atornerluisunut isersimaarfeqartitsitsinnaaneq, soorlu aamma kaffinnguamik nerisassannguamillu neqerooruteqarsinnaallutik akikikkaluamik.

Nakorsaq Vibeke Husfeldt Nuup Kommuneanut saaffiginnissuteqarpoq imaanngilarli ikiuukkusunneq nuannarineqangaartoq qujarunneqaqalunilu.

Vibeke Husfeldt nassuiaavoq:-Isumaqarpummi angerlarsimaffeqanngitsunut pitsaasunik neqeerooruteqareersoq, suleqatimmali angerlarsimaffeqanngitsunut neqeroorutinik naammattunik peqannginneraraluaraat Nuup Kommunianit illua’tungilerneqarput.