Kirkegaard: IA-p naalakkersuisuutitaasa Alcoamik suliniut sumiginnarsimavaat
Naalakkersuisut IA-mit siuttuuffigineqartut sivisuallaamik iliuuseqanngitsoorsimapput, Maniitsumilu aluminiumimik suliniutip Siumup aallartisaqataaffigisimasaata aallartisarniarnissaa sumiginnarsimallugu, Jens-Erik Kirkegaard oqarpoq:
- Annertunerusumik iliuuseqartoqarsimasinnaagaluarpoq, aamma suliaq sukkanerusumik ingerlanneqarsimasinnaasimagaluarpoq, IA-p amerikamiut aluminiumimik suliffissuanik Alcoamik, ukiut tallimat matuma siorna Maniitsup eqqaani aatsitsiviliulersaarlutik nalunaartunik suleqateqarnera pillugu taama oqarpoq.
Aatsitassanut naalakkersuisup, pingaartumik siulerisani Ove Karl Berthelsen IA-meersoq sulinermi takussaanngippallaarsimanerarlugu assuaraa.
Alcoamik suliniutip ukiuni arlalinni iliuuseqarfigineqarsimannginnera Kalaallit Nunaata aningaasaqarnikkut ajornartorsiorluni maanna inissisimalerpoq:
- Aningaasaqarnikkut ullumi inissisimanerput ajornerulissanngippat, suliffissuarnik nutaanik aallartitsinissarput, Jens-Erik Kirkegaard oqarpoq.
Maniitsup eqqaani aluminiumimik aatsitsivissap killiffia ullup qeqqaanerani radioaviisimi annertunerusumik paasisaqarfigisinnaavat.