Kirgistanimi nuna sajummap 60-it ajunaarput
Kirgistanimi nuna ippassaq sajorujussuarmat inuit ikinnerpaamik 60-it ajunaarput, Sovjetunionimi kunngiitsuuffiusimasumi oqartussaasut taama nalunaaruteqarput. Nuna Kirgistanip Kinamut killeqarfianut qanittumi sajuppoq.
Allattoq Louise M. Kleemann
oktobarip 06-at 2008 07:15
-Allat hornorujunit amerlanerit ikiligaapput, ajunaarnersuaqarnernut Kirgistanimi ministeri, Kamtjibek Tasjijev, oqarpoq.
Nunap sajuttarneranut uuttuut malillugu nunap sajunnera 6,6-imik sakkortussuseqarpoq.
Nuna Kirgistanip, Tadsjikistanip Usbekistanillu akornanniittoq sajuppoq, nunallu sajunnera nunani tamani malugineqarsinnaasimavoq.
Nunaannarmi illoqarfimmi Nurami, 950-inik innuttaqartumi, aseruatiterineq annerpaavoq. Illoqarfeerannguaq suujunnaavippoq, inuppassuillu ikiligaapput, ministeri nassuiaavoq.
Annaassiniarneq ajornakusooqaaq, nunami ajunaarnersuarmit eqqugaasoq tikikkuminaappoq, illoqarfeeqqamullu oqarasuaatikkut attaveqarneq amigaataasorujussuuvoq.
