Kioskip ikuallannerani ataatsimik ajunaartoqartoq
Kangaatsiami ikuallattoqarnerani inuk ataaseq ajunaarpoq.
Kioski nungulluni ikuallassimasoq, Kalaallit Nunaanni Politiit paasissutissiipput.
Aasianni Politiit ikuallattoqarnera pillugu ippassaq nalunaaqutaq 21.20 nalunaarfigineqarput, politiit oqarnerat naapertorlugu pinerluuteqarsimasorineqartoq ajunaarpoq. Taanna kioskip eqqaani nassaarineqarpoq.
Politiit ikuallattoqarneranut pissutaasumik paasiniaaleruttorput.
Inuk alla ajoqusersimasoq Nuummukaanneqarpoq.
Pisumut atatillugu allanik akuusoqarsimaneranut piffissami matumani takussutissaqanngitsoq, Kalaallit Nunaanni Politiit paasissutissiipput.
Ajunaartup ilaqutai kalerrinneqarput.