Qinersinissamut periarfissarititaasoq Inatsisartuni illuatungiliuttut tallimanngormat sapaatip akunnerinik arfinilinnik allannguallatsippaat. Allannguineq maanna inatsisartunut qinersinissami taamaallaat atuutissaaq.
Malittarisassat maanna atuuttut tunngavigalugit Nunatta avataani ilinniartut napparsimasullu aqagu nalunaarnissaat maajip ulluisa aqqaneq-aappaannut piffissarititaasoq allannguinikkut isumaqatigiissutigineqarpoq.
Malittarisassanik allannguigallarneq ilinniartut peqatigiiffiani Avalammi nuannaarutigineqarpoq.
- Inuppassuarnit sapaatip akunnerata naanerani saaffigineqarpugut. Maajip ulluisa aqqaneq-aappaannut periarfissiinerup eqqissisimanerusumik sulisinnaalersippaatigut, Avalaap siulittaasua, Aqqaluk Petersen, oqarpoq.