Kinguartitsineq assigiinngitsumik qisuariarfigineqarpoq
Sulisitsisulli Peqatigiiffiat naammagisimaarinnippoq:
- Inatsimmik allanngortittussamik atuutsitsilernissaq iluaqutaanngilaq. Inatsit maanna atuuttoq atuutiinnarallarli, inatsimmik tamatta isumaqatigisatsinnik peqalernissatta tungaanut, Sulisitsisut Peqatigiiffianni Aalisarnermut immikkoortortaqarfimmi siulittaasoq, Søren Brandt, oqarpoq.
Aalisarnermut inatsisissatut siunnersuut Aalisarnermut Piniarnermullu Naalakkersuisup, Ane Hansenip, tamanut ippassaq saqqummiukkamiuk, oqarpoq, partiit tamarmik aalajangernermut paasinnittut.
Tamannali Siumumit isumaqatigineqanngilaq.
- Siumuminngaanniit assut ajuusaarnartutut tiguarput. Aamma akuerisinnaanngilarput aalisarnermut inatsisissap, ukiaq manna oqaluuserisassaraluatta, upernaamut kinguartinnera, Siumumi politikkikkut oqaaseqartartoq, Karl Lyberth, taama oqarpoq.
