Kinguartinneqarnissaa ajorinngilaat
Aalisartut piniartullu kattuffiata KNAPK-p ajorinngilaa, aalisarnermut inatsisissap naalakkersuisunit Inatsisartut ukiamut ataatsimiinnissaannut kinguartinniarneqarmat.
Allattoq Louise M. Kleemann
marsip 11-at 2008 06:58
KNAPK-p pisortaa, John Biilmann oqarpoq suli paasissutissat tamarmik pineqarsimanngimmata inatsisip suliarineqarnissaa kinguartinneqartariaqartoq.
- Taama sivisutigisumik – immaqalu sivisuallaaraluamik – utaqqereeratta inatsisip siunissami sivisuumik atorneqarsinnaasup pilersinneqarnissaa utaqqeqqissinnaavarput.
- Kalaallit Nunaanni inuutissarsiutit pingaarnersaata iluamik inuiaqatigiinnut iluaqutaasinnaasup pilersinneqarnissaa utaqqissavarput, KNAPK-p pisortaa John Biilman oqarpoq, nangillunilu; paasissutissat ilumuunngitsut suliarilluagaanngitsullu tunngavigalugit inatsisilioraluaraanni aalisarnermut ajortorujussuarmik kinguneqarsinnaavoq.
