ASSIT Kinguaassiuutitigut atornerluisarnermut akerliusut tapersersorluarneqartut

Meeqqat inersimasullu, politikerit, suliniaqatigiiffinniit soorlu MIO-mit, meeqqat inuunerissunit Saaffimmiit, Nanu Børnimit sullissisut nuummi ingerlaaqatigiinnermi tapersersuillutik peqataasorpassuit akornanni takussaapput.
Allattoq Camilla Dam
maajip 08-at 2015 16:36
Nutserisoq Nauja Møller

Sapaatip akunnerani matumani meeqqanut kinguaassiuutitigut kannguttaatsuliornerit atornerluisarnerillu pillugit KNR-mit immikkut sammineqarput, soorlu Connie Arenas anaanaalu Oline Steenholdt paqumigineqartoq eqqartormassuk.

Tallimanngornerullu ualiani illoqarfiit pingaarnersaanni, Aasianni Tasiliiami Upernavimmilu ingerlaaqatigiittoqarpoq, kingusinnerusukkullu sapaatip akunnerata tulliani Maniitsumi Uummannamilu assingusunik aaqqissuussisoqassamaarluni.