Kinguaassiuutitigut atoqatigiiliaartarneq kinguneqarpoq

Nunatsinni inuusuttuaqqat, inuusuttuaqqanut Europamiittunut naleqqiullutik kinguaassiuutitigut atoqatigiittaliaarnerusarput, taama Atuartut Peqqissusaat pillugu nalunaarusiaq ilaatigut saqqummiussaqarpoq. Nunatsinni inuusuttuaqqat inuusuttuaqqanut Europamiittunut naleqqiullutik atoqatigiittaliaartarnerat kinguaassiuutitigut nappaatinik atuiliaartarnerannik, meerataajaartartut naartuersittartullu amerlanerunerannik kinguneqarpoq.

Atuartut peqqissusaat pillugu nalunaarusioqataasoq Nuummi Dronning Ingridip napparsimmavissuani nakorsaq Birgit Niclasen oqarpoq nunatsinni inuusuttuaqqat 15-it 17-illu akornanni ukiullit inuusunnerusulluunniit atoqatigiittaliaartarnerat pissutigalugu kinguaassiuutitigut nappaat klamydia nunatsini atugaasorujussuusoq:

- Klamydia inuusuttuaqqani atugaasorujussuuvoq, Danmarkimut naleqqiukkaanni atugaanera aqqanileriaammik annertunerulluni, klamydiamillu eqqugaanerpaapput 14-iniit 19-inut ukiullit, tamannalu nakorsaaneerup nalunaarusiaani aamma takuneqarsinnaavoq, Birgit Niclasen oqarpoq. Tamanna pillugu inuusuttuaqqat naartulinnginnissamut nappaatinillu tunillatsinnginnissamut illersuutinik atuinissamut paasisimasaqarnerulernissaannut iliuuseqartoqartariaqalersoq Birget Niclasen oqarpoq.

- Inuusuttuaqqat atoqatigiinnermut tunngasunik isiginnittaasiat inersimasut pissusilersornerannik isiginnittarnerannillu tunngaveqarpoq, matumanilu ajornartorsiuteqarnermi inuusuttuaqqat isiginnittarnerat kisimi pissutaanngilaq, inuiaqatigiinnili atoqatigiittarnermut paasinnittarneq pissutaaqataanerpaalluni, Birgit Niclasen oqarpoq. Erseqqisaatigaa inuiaqatigiinni atoqatigiittarnermut isuma ajortutut isigisariaqanngitsoq, katinnissaq sioqqullugu atoqatigiittarneq inerteqqutaanngimmat, taamaattorli inuusuttuaqqat tarnikkut inersimanerullutik piareersimanerullutillu atoqatigiittalertarnissaat eqqarsaatigisariaqalersoq, neriuutissaqarnerarpaalu atoqatigiinnermi illersuutit inuusuttuaqqani 15-iniit 17-inut ukiulinni atugaanerujartornera misissuinerup aamma takutimmagu. Nakorsaanerup nalunaarusiaani saqqummiunneqarpoq ukioq 2003-imi nunatsinni ernisut 15 procentingajaat arnat inuusuttuusut 20-it inorlugit ukiullit.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat