Angut 52-nik ukiulik, Uummannap Kommuneani Ukkusissaneersoq, ukiuni marlunni pineqaatissinneqarsimasunut inissiisarfimmiittussanngorlugu Nunatta Eqqartuussivianit aalajangerneqarpoq.
Ukkusissani nukappiaqqanik angutinillu inuusuttunik 17-nik kinguaassiuutitigut atornerluisimasutut angut pineqaatissinneeqarpoq.
Nukappiaqqamik ataatsimik pinngitsaalillugu angut atoqateqarsimavoq, ataaseq ussiataarlugu atoqatigisimavaa ataaserlu atoqatiginngikkaluarlugu kanngunartuliorfigisimavaa.
Kinguaassiuutimikkut atornerlunneqartut aqqaneq-marlunniit 18-nut ukiuliupput.
Angut Kredsretimi eqqartuunneqarami ukiup aappaa avillugu pineqaatissinneqarsimasunut siullermik inissiisarfimmiittussanngortinneqaraluarpoq, tamannali Kredsretimut suliareqqitassanngortippaa, pinngitsuunerarneqarnissani siunertaralugu.
Suliap pisoqalivallaarnera pissutigalugu 52-nik ukiulik pisunit arlalinnit Landsretimiit pinngitsuutinneqarpoq, pineqaatissinneqarnerali sivitsorneqarluni, Sermitsiaq ullumi saqqummersoq allappoq.
Nukappissat atornerlunneqarsimasut ilaata arnaataata angutip atornerluisarnera kalerriummagu angut 52-nik ukiulik tigusaavoq.
Ukkusissarmiut angutip tigusarineqarnera tusaramikku, amerlaqisut siusinnerusukkut piffissamiluunniit pineqarttumi tassani atornerlunneqarsimanertik aatsaat kalerriuttalersimavaat.
Angutip kinguaasiuutitigut atorneruisarnerata siusinnerusukkut kalerriunneqarsimannginneranut pissutaanerarneqarpoq, atornerlunneqarsimasut angut pineqartoq ersigisimammassuk, nukappiaqqallu qanoq pineqarsimanerminnik oqaluttuassallutik kanngugisimallugu.