Kinguaassiutitigut atornerluisimasut katsorsarneqarnissartik pisariaqartippaat

Kalaallit Nunaanni pinerluuteqarsimasunut inissiisarfinni meeqqanik kajungerisaqartut katsorsarneqarneq ajorput.

Taakkuli tarnimikkut nappaatiminnik pissuserisamikkullu katsorsarneqarnissartik pisariaqartittarpaat.

- Katsorsarneqanngikkaangamik kinguaassiutitigut kannguttaallioqqinnissaminnut qanittuararsuusarput, tarnip pissusaanik ilisimasalik, Lone Juul Rasmussen oqarpoq. Taanna ulluinnarni Herstedvesterimi kalaallit immikkoortortaqarfiani atorfeqarpoq.

-Kinguaassiutitigut innarliisimallutik pineqaatissinneqarsimasut inissinneqaraangamik, katsorsarneqaratillu kingorna assigisaanik pinerluuteqaqqinnissaat ilimanaateqarluarsinnaavoq.

Herstedvesterimi katsorsarneqartut oqaloqatigiinnikkut katsorsarneqartarput. Kinguaassiutitigullu atornerluisimanertik pissutigalugu katsorsarneqartut ikinnerussutillit tissannaveersaatitortinneqartarput, pingaarnertullu katsorsarneqartut tarnip pissusaanik ilisimasalimmik kiisalu tarnikkut nappaatinik ilisimasalimmik oqaloqateqartarput.

Katsorsarneqartup ajornartorsiutai aallavigalugit katsorsaaneq ingerlanneqartarpoq.

Katsorsarneqartut amerlanersaasa meeraanerminni atugarisimasatik ajornartorsiutiginerusarpaat. Soorlu imigassamik atornerluineq, persuttagaasarneq kiisalu kinguaassiutitigut

atornerlunneqartarsimaneq.