Assi: Martin Schulz

Pave Frans: Kinguaassiutitigut atornerluisarneq nipangiuneqaqqissanngilaq

Katuullit palasiisa nukappiaqqat erinarsoqatigiit mattuttullu akornanni atornerluisarnerat ukiuni qulikkuutaani kusanaatsulioreersorlu Pave Frans kardinaalit biskoppillu 115-it nunanit tamalaaneersut peqataaffigisaannik Rommimi Vatikanimi ataatsimeersuartitseqqammerpoq.

Atornerluisarneq pillugu qaquguluunnit nipingiussisoqassanngilaq, atornerluisarnerlu iliuuseqarfigineqassaaq, Pave Frans ataatsimeersuarneq naggaserlugu taama oqaaseqartoq, dr.dk allaaserisaqarpoq. 

Katuullit oqarluffiini kinguaassiutitigut atornerluisarq pillugu oqaluttuarissaanermi aatsaat taama ataatsimeersuartoqarpoq - akiuiniarnermilu sipaartoqassanngilaq. 

- Oqaluffimmi atornerluineq pillugu suliaqartoqalissagaluarpat paasiniaaneq pimoorunneqarluni misissuiffigineqassaaq, malittarisassiortoqassallunilu, Pave Frans neriorsuilliuni oqarpoq.

Washington Post naapertorlugu biskoppit 2011-imiilli malittarisassiornissaannik peqquneqarsimapput tamarmillli malittarisassiorsimanngillat. Reuters taama allaaserisaqarpoq. 

Atornerlunneqarsimasut ilaat ataatsimeersuarnermi aamma peqataapput. BCC naapertorlugu palasit atornerluisarsimanerat 1950-kkunnili pisarsimavoq.

Suliallu 1980-kkunni amerlanersaat USA-meersuupput. Aammali Europami, Australiami, amerikallu avannaani atornerluisoqartarsimavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat