Nuummi Poltiit pisumut atatillugu Tuapannguani illorsuarni aqagu tallimanngornermi killisiuissapput.Assi: Pressefoto/Rigspolitiet

Kinguaassiutitigut atornerlueriaraluarneq Nuummi Politiinit misissuiffigineqartoq

Niviarsiaraq Nuummi Tuapannguani pinngitsaaliniarneqaraluarpoq, politiillu tamanna misissuiffigileruttorlugu.

Niviarsiaqqap qulinik ukiullip kinguaassiutitigut atornerlunneqariaraluarneranut atatillugu Nuummi politiit takunnissimasinnaasunik ujaasipput.

Niviarsiaraq Nuummi Tuapannguani pinngitsaaliniarneqaraluarpoq, politiillu tamanna misissuiffigileruttorlugu.

Tuapannguani illorsuit ilaanni normu 9-p mjuartarfeqarfiini apriilip ulluisa 29-anni, ullorluunniit taanna sioqqullugu kingornaluunniit pinngitsaaleeriartoqaraluarpoq.

Nuummi politiit tusagassiorfinnut taama nalunaaruteqarput.

- Suliamut atatillugu pasinarsinnaasumik maluginiagaqarsimaguit politiinut saaffiginninnissamut kajumissaarneqarputit, poltiillu oqarasuaataasa normoraat 70 14 48, politiit taama allapput.

Aqagu killisiuisoqassasoq

Pinngitsaaliiniaraluartoq ima nassuiaatigineqarpoq:
Angut, kalaaleq, kujataaninngaanneersuugunartoq, simertoq, naatsunik qeerasaartunik nujalik, nerinnangajattoq, 170 aamma 175 centimerit missaannik angissusilik.
Qernertumik kavaajaqarpoq, koorbunik qarleqarluni, tungujortumillu qungasequtaasaqarpoq Royal Greenlandimik allannilik, kiinnanilu taassuminnga assersimallugu.

Nuummi Politiit misissuinerminnut atatillugu Tuapannguani illorsuarni tallimanngornermi maajip ulluisa 14-ianni ualikkut nalunaaqutaq tallimat missaanni killisiuiniartut politiit ilisimatitsissutigaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat