Ritzauip allaaserisaa naapertorlugu Wang Yip inatsit ‘sakkortuumik pinerlunnernut’ seeqqummernerunerarpaa, ’Hongkongimut aserorterinissamik’ siunertaqarnerarlugu.Assi: Tyrone Siu/Reuters/Ritzau Scanpix

Kinap USA-mi inatsit kamaatigigaa: Hongkongimut aserorterissaaq

Kinami nunanut allanut tunngasunut naalakkersuisup, Wang Yip, USA-mi inatsit nutaaq, Hongkongimi akerliusunut tapersersuisoq assuaraa.

Inatsit – USA-mi sinniisut illuanni, 412-init akuerineqartoq ataatsimillu akerlerineqartoq – Hongkongimi inuttut pisinnaatitaaffinnik illersuinissamut siunertaqarpoq.

Ritzau-illi allaaserisaa naapertorlugu Wang Yip inatsit ‘sakkortuumik pinerlunnernut’ seeqqummernerunerarpaa, ’Hongkongimut aserorterinissamik’ siunertaqarnerarlugu.

AAMMA ATUARUK Hongkongip siuttuata USA akuliuttariaqannginneraraa

Wang Yip inatsit ’Kinami oqaasissaqarfigisaanut isertuanngitsumik akuliunnerusoq’ ilanngullugu oqaatigaa.

Hongkongimi nammineq aalajangiisinnaatitsineq USA-p naalakkersuisunik niueqatigiinnissamut isumaqatigiissuteqarniarnerani naammannersoq USA-p ukiumut minnerpaamik ataasiarluni nakkutigisassagaa, inatsimmi ilaatigut allassimavoq.

Inatsit Det Hvide Husimut nassiunneqangajalerpoq, præsidentillu Donald Trumpip taanna atsiorsinnaavaa itigartitsissutigaluguluunniit atorunnaarsissinnaallugu.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat