Assit: Kinap kommunistiskimik aqutsineq ukiut 70-inngortorsioraa

Kinami kommunistiskiusumik aqutsinerup eqqunneqarneranit ukiut 70-inngortorsiorneqarnera nalliuttorsiutigineqarpoq.

Kinami kommunistiskiusumik aqutsinerup eqqunneqarneranit ukiut 70-inngortorsiorneqarnera sakkutoorpassuit inuinnaallu 100.000-t ingerlaaqatigiinnerannik malunnartinneqarpoq.

Nalliuttorsiorneq kalaallit nalunaaqutaat malillugu marlunngornermi unnukkut aallartinneqarpoq. Kinap præsidentia, Xi Jinping oqalugiarnermini nunanut allanut ilassinningaatsiarpoq.

- Maani inuiaqatigiit toqqammavianut aalassatsitsisinnaasumik pissaaneqanngilaq, Xi Jinping Beijingimi oqalugiarnermini oqarpoq.

AAMMA ATUARUK Kinap Danmarkimi aallartitaa nunatsiippoq

- Kinamiunut aamma kinamiut inuiaqatigiit siumut ingerlanerannik unitsitsisinnaasumik pissaaneqanngilaq, Jinping oqarpoq.

Sakkutuut 15.000-init amerlanerusut, qamutit sorsuutit, sakkussat nutaaliat matumani timmisartuaqqat inuttaqanngitsut rakettillu ilanngullugit marlunngornermi nalliuttorsiornermi takutinneqarput.

Tamatuma saniatigut inuinnaat 100.000-it takutitsinerni 70-ini Kinap assigiinngitsutigut ineriartorneranut takussutissanut ingerlaaqataapput.

AAMMA ATUARUK Hongkongimi eqqissiviilliortoqarnera aningaasaqarnermut nalorninartorsiortitsilersoq

Hongkongimili akerliussutsimik takutitsinerujussuit qassiiusut aallartinneqarput, akerliussutsimik takutitsisut arlallit inuinnaat oqartussaaqataanerata annikillineranik akerliullutik qaammatini kingullerni akerliullutik takutitsisuupput.

Hongkongimi politiit aqqusinerni sakkortuumik akerliussutsimik takutitsisoqarnissaa naatsorsuutigaat, silamiinnissarlu ulorianangaatsiarsinnaanissaa aarlerisaarutigalugu.

Kinami kommunistiskimik aqutsineq, kommunistit siuttuannit, Mao Zedongimit oktobarip aallaqqaataat 1949-mi pilersinneqarpoq.

Beijingimi takutitsisoqareerpat tuit 70.000-t ballongillu 70.000-t silaannarmut tingisinneqassapput, unnukkullu Den Himmelske Freds Pladsimit qummoroortartunik takutitsisoqassalluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat