Kinap coronavirusimut suliniuteqarnermut ajornartorsiorsimanini nassuerutigigaa
Nunap coronavirusimut akiuiniarnermi ajornartorsiorsimanera naammaginartumillu suliniarsimannginnera, Kinami oqartussat nassuerutigaat.
Coronavirusi
- Coronavirusimik tunillatsissimasumik siumueqqaarneq siorna decembarip ulluisa arfineq-pingajuanni pivoq.
- Nualluut coronavirusi inunnit Kinami illoqarfiit ilaanni Wuhanimi aalisagaarniarfimmiissimasunit - coronavirusillu siaruaaffianiigunarsimasunit - tuniluutilerpoq.
- WHO-p coronavirusi nunarsuarmi peqqinnissakkut ajornartoorfiusutut 2020-mi januaarip ulluisa 30-anni nalunaarutigaa.
- Coronavirusi inummiit inummut attaveqarnikkut tuniluuttartoq nappaammut SARS-imut assersuunneqarpoq.
- Inuit coronavirusimik tunillatsissimasutut nalunaarsukkat 20.679-iupput.
- Coronavirusip Kinami tuniluunnerata saniatigut nunanut allanut 24-nut ilaatigut Sverigemut siaruaassimasutut nalunaarsorneqarpoq.
- Inuit coronavirusimik toqquteqarsimasut 427-upput, taakkunani ataaseq Filippinerini toquvoq, sinnerilu 426-usut Kinami toqullutik.
- Qallunaat qulit Hubeimiit coronaviruseqarfiusumiit Danmarkimut qimagussorneqarput. Qimagussorneqartuni marluk tunillatsissimanermut ilimanaateqartutut nalilerneqarmata angerlarsimaffimminnit aneqqusaajunnaarallartitaapput.
Paasissutissanik pissarsiffik: Statens Serum Institut, Det Europæiske Center for Sygdomsforebyggelse og -kontrol, DR
Kinami nuna tamakkerlugu ajornartoornermut upalungaarsimaneq pitsanngorsarneqassasoq, Kinami oqartussat pissaaneqarnerpaat ataatsimiititaliaat taama kaammattuuteqarpoq.Nutaarsiassaqatitsivik naapertorlugu, Kinami nualluummik toqquteqartut 400-t sinneqarput, inuillu 20.000-it sinneqartut tunillatsissimallutik.Kinami naalagaaffiup tusagassiorfia Xinhua taama nalunaarutoq, AFP allaaserisaqarpoq.
Virup siaruatsaaliorneqarnissaanut illersuutit suli amigaatigineqarput.- Illoqarfinni tuniniaaffinni nakkutilliinerusoqartariaqalerpoq, uumasunillu unioqqutitsilluni tuniniaasarnerit unitsinneqartariaqarlutik, ataatsimiititaliaq taama piumasaqarpoq.
Kinami naalakkersuisut naapertorlugit ilaatigut qanermut sorlunnullu assiaqutit, atisat isarussallu illersuutit suli amigaatigineqaqaat.
- Illoqarfinni tuniniaaffinni nakkutilliinerusoqartariaqalerpoq, uumasunillu unioqqutitsilluni tuniniaasarnerit unitsinneqartariaqarlutik, ataatsimiititaliaq taama piumasaqarpoq.
Nualluutimmi siaruatsaaliorneqarnissaannut illersuutit suli amigaatigineqarput.
Kinami naalakkersuisut naapertorlugit ilaatigut qanermut sorlunnullu assiaqutit, atisat isarussallu illersuutit suli amigaatigineqaqaat.