Coronavirusip nunani tamalaani aningaasarsiornermut 1930-kkunnili aatsaat taama ajornartorsiulersitsitiginissaa, nunat siuarsagassat taarsigassarsiniartarfiata IMF-ip siusinnerusukkut aarlerisaarutigaa.Assi: Dale De La Rey/AFP/Ritzau Scanpix

Kinap aningaasarsiornera kinguariarfiusoq

Kinami BNP-p nalinga ukiut qulikkuutaat kingulliit ingerlaneranni siullerpaamik kinguariarfiuvoq. Kinami naalagaaffiup naatsorsueqqissaartarfianit kisitsisit tamanna takutikkaat, nutaarsiassaqartitsivik AFP allappoq.

Coronavirusip siaruatsaaliornissaa pillugu Kinami iliuutsit sukannersut pissutaallutik Kinap aningaasarsiornera ukiut qulikkuutaat kingulliit ingerlaneranni siullerpaamik kinguariarfiuvoq.

Kinami pilersitat nalillit tamakkiisut, tassa BNP-p nalinga, ukioq manna januaarimiit marsip tungaanut siorna piffissap taamaalineranut naleqqiullugu 6,8 procentinik appariarpoq.

Kinami aningaasarsiorneq pillugu kisitsisit 1990'ikkunni saqqummersinneqartalermatali aningaasarsiorneq siullerpaamik appariaateqarpoq.

AAMMA ATUARUK Nunarsuarmi aningaasarsiorneq 1930-kkunnili aatsaat taama ajornartoorfigitigissangatinneqartoq

Kinami aningaasarsiorneq qaammatit kingulliit pingasut ingerlaneranni 6,8 procentinik siorna piffissap taamaalineranut naleqqiullugu appariaateqarpoq, siorna piffissap taamaalinerani akerlianik 6 procentinik qaffariaateqarluni.

Kinami BNP-p ukioq mannamut ataatsimut isigalugu 1,7 procentinik qaffariaateqarnissaa naatsorsuutigineqarpoq, 1976-imili aatsaat taama annikitsigisumik qaffariaateqassangatinneqarluni.

Coronavirusip nunani tamalaani aningaasarsiornermut 1930-kkunnili aatsaat taama ajornartorsiulersitsitiginissaa, nunat siuarsagassat taarsigassarsiniartarfiata IMF-ip siusinnerusukkut aarlerisaarutigaa.

Isummersuutit

Coronavirusimik tunillatsinissaq pinaveersaaruk

Nunatsinni coronavirusi pillugu killiffik

  Misissorneqareersimasut 16.504
  Tunillanneqarsimasut
30
  Peqqisseqqittutut nalunaarutigineqartut 29
  Napparsimavimmi uninngasut 0
  Anersaartuuteqartitaasut 0
  Toqquteqartut 0
Pissarsivik: Nunatsinni Nakorsaaneqarfik
  Nutarterneqarnera:
  januaarip 15-at 2021 nal. 10:30