Assi: Martine Lind Krebs/Det Grønlandske Hus i København

Mittarfiit: Kinamiut sanaartugassinneqarnissaat Løkkep ernummatigigai

Ministeriuneq Lars Løkke Rasmussen kinamit sanaartugassanik suliassinneqartartut nunatsinni mittarfiliorsinneqarnissaannut mianersoqqussuteqarpoq.

Ministeriuneq Lars Løkke Rasmussen Politikenimit apersorneqarluni taama oqarpoq.

- Mittarfiliortiternissanut taama amerlatigisunik aningaasaliinerit nunanut allanut tunngasunut politikkimut attuumassuteqarsinnaapput, danskit kalaallillu naalakkersuisuisa oqaluuserisassaannik, Lars Løkke Rasmussen aviisimut oqarpoq.

AAMMA ATUARUK Mittarfiliorneq pioreersunilluunniit atuiinnarneq aningaasaqarnermut assigiippoq

Danskit naalakkersuisuisa nunatsinni mittarfiliornissamut pilersaarutit sivisuumik nakkutigaat, ingammik kinap naalagaaffiata sanaartugassanik suliassinneqartartui China Communications Construction Company tallimallu allat mittarfilissanut suliariumannittussarsiuussinermut suliariumannissinnaasutut akuerineqareermata.

AAMMA ATUARUK Danmarkimi naalakkersuisut nunatsinni mittarfiliortiternissaq oqaloqatigiissutigerusuppaat

Løkke naalagaaffeqatigiinneq pillugu apeqquteqaat aallaavigalugu Folketingimi tallimanngornermi ulloqeqqannginnerani oqallittoqarnissaa sioqqullugu taama oqarpoq.

Nunanut allanut tunngasunut politikkimut attuumassuteqarneranut innersuussineq pingaaruteqarpoq, tassami namminersorneq pillugu inatsit naapertorlugu danskit naalakkersuisuisa nunanut allanut sillimaniarnermullu politikkimut tunngasut oqartussaaffigaat.

Løkkep ilanngullugu oqaatigaa, tamassuma naalagaaffeqatigiinneq pillugu Savalimmiuni ungasinngitsukkut ataatsimeeqatigiinnermi oqaluuserinissaa qilanaaralugu, danskillu mittarfissanut aningaasaleeqataasinnaanissaannut periarfissaqartitsilluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat