VIDEO Kinamiut rumstationimik Nunarsuatsinnik kaaviiaartussamik aallartitsisut
Avataarsualiartaatip rumstationimik Tiangong 2-mik useqartup iluatsilluartumik aallartinnerata filmiliarineqarnera Kinami naalagaaffiup tv-qarfiata nammineerluni nipilersuusersimavaa.
Tiangong 1 2011-miilli nunarsuatsinnik kaaviiartinneqartoq, rumstationimik nutaamik taarserneqartussanngorpoq.
Rumstationimik aallartitsineq kinamiut avataarsuarnik misissuinerminni pilersaarutaannut alloriarneruvoq pingaarutilik, taamatut suliaqarneq kinamiut naalakkersuisuinit ukiuni kingullerni pingaartinneqartupilussuummat.
Kina avataarsualiartaammik inuttalimmik 2003-mi siullerpaamik aallartitsivoq, kingornalu kinamiut aamma qaammammut biilimik inuttaqanngitsumik aallartitsisimapput rumstationillu silataani kinamiu avataarsualiartartoq aamma angalasimalluni.
Kinamiut avataarsuanut tunngatillugu pilersaarutaasa oqaluttuarisaanermut pingaarutillit tullissaat tassaassaaq biilimik inuttaqanngitsumik 2020-mi Marsiliartitsinissaq.
AP/CCTV/RITZAU