Kinamiut Ove Karl sikisaarfigaat
Aatsitassarsiornissamut periarfissat pillugit Ove Karl Berthelsenip nassuiaatissai Kinamiunit qanoq soqutiginartinneqartiginersut tiikilluaqquneqarnerani paasinarsivoq. Aviisip Politikenip Kinami ilannguattasiortua taama allaaserisaqarpoq.
Ove Karl Berthelsenip nammineq oqarnera naapertorlugu, Nunatsinni aatsitassarsiorneq Kinamiinnermini nassuiarniarpaa. Pitsaasumillu neqeroortoqarsinnaappata uatsinnut iluassaqaaq, oqarpoq.
Ove Karl Berthelsenip oqarnera naapertorlugu silap pissusaa, sermersuaq, imeq, avatangiisit aatsitassallu misissoriartorlugit ilisimatuunik Kinamiut Kalaallit Nunaannukartitserusupput. Ujarassiuunik aamma Nunatsinnukartitserusupput, qanoq periarfissaqartiginersoq paaserusullugu.
Taamaammat Ove Karl Berthelsen isumaqarpoq, kinamiut Nunatsinni amerliartussasut. Ernumaginngilaali naalagaanialernissaat - soorlu nunani allani tamanna tusarsaasartoq.
- Aatsitassat pillugit ersarissumik inatseqarpugut, Kalaallit Nunaanni aatsitassat allanit atorluarneqartinnagit naammassisimasassanik, Ove Karl Berthelsen aviisimut Politikenimut erseqqissaavoq.
