Kinamiut nunatsinni suniarnersut Folketingip paaserusuppaa
Statsmininsterimut apeqqutissat maanna suliarineqareerput taannalu naalagaaffimmi pisortatut pissutsinik nassuiaasussanngorpoq. Apeqqutissallu ilaat imaappoq:
- Ministeri qinnuigineqarpoq nassuiaqqullugu Kinamiut Kalaallit Nunaanni suniarnerat pillugu Kalaallit Nunaata aamma Danmarkip akornanni oqaloqatigiinneq qanoq ingerlanersoq aammalu 2009-mi Namminersorneq pillugu inatsimmut sunniuteqassanersoq nassuiaqquneqarpoq.
- Apeqqut taanna statstministerip akisinnanngippagu taava allamik akisinnaasoqanngilaq. Kalaallit Nunaanni annertuunik maanna pisoqarpoq. Immap naqqani uuliaqarsinnaavoq, saviminissamik qalluisoqarsinnaavoq, kultisiortoqarsinnaavoq, alumiunimik aatsitsiviliortoqarsinnaavoq immaqalu aamma aatsitassanik qaqutigoortunik qalluisoqarsinnaalluni. Nuna aamma uranitaqarpoq qalluisoqassappallu sillimaniarnermut politikkit attupillanneqartussaavoq. Neriuppunga illersornissamut ministerimiit tunniussassaqarnerusoq, Troels Lund Poulsen KNR.gl-mut oqarpoq.