Kinamiut ministeriat Tianjinimi ataatsimeeqatigigaa
Sapaammi Naalakkersuisup Ove Karl Berthelsenip Kinami nunamut aamma isumalluutinut ministeri Xu Shaoshi ataatsimeeqatigivaa. Tamanna Tianjinimi Kinami aatsitassalerinermik saqqummersitsinermi pivoq.
- Illuatungeriit ukiuni takkuttussani Kalaallit Nunaata aamma Kinap akornanni ilisimatusarnikkut aningaasarsiutigisatullu attaveqarfiit tapersersussallugit isumaqatigiissutigaat, taama Naalakkersuisoq Ove Karl Berthelsen tusagassiutinut nalunaarummini ilisimatitsivoq.
Kalaallit Nunaat aatsitassalerinermik suliniutinik pingaarutilinnik arlalinnik ineriartortitaqarpoq. Ilaatigut ukuusut zinki, kanngussaq, molybdæni, savimineq aamma saviminissat qaqutigoortut.
-Suliniutit arlallit nunatta marluk akornanni annertusisamik niueqatigiinnissami ilanngunneqarnissaannut ilimanaateqarput. Kinami aningaasaqarnikkut siuarsarneq tunisassianik avammut tunisassanik soorlulusooq Kinami nunagisami niuerfeqarfimmut tunisassiarisani ilaasunik saviminissanut aamma aatsitassanut attaveqarnissamik tunngaveqarpoq. Assingusumik Kalaallit Nunaanni uagut aningaasaqarnitta aallarnersarnissaanut assut pisariaqartisivugut, tassanilu pitsaanerpaatut ilaapput aatsitassarsiorfimmi suliniutinillu angisuunik aallartisaanissat, Ove Karl Berthelsen ilisimatitsivoq.
Kinami aatsitassalerinermik saqqummersitsinermi Namminersorlutik Oqartussat saniatigut nunatsinneersut suliffeqarfiit arlallit ilaatitaqarput.
