Kinamiut marlunnik meerartaarsinnaanngorput
Kinami aappariit ukiorpassuarni ataasiinnarmik meerartaartarnissaat atuutsinneqaraluarpoq, tamannali maanga killeqartariaqartoq, Kinami nutaarsiassaqartitsivissuaq taama nalunaaruteqarpoq.
Ataasiinnarmik meerartaartarnissaq ukiut 40-t matuma siornatigulli Kinami innuttaasut amerliartupiluunnginnissaat pinaveersaartinniarlugu atuutinneqalerpoq.
Ataasiinnarmik meeraqarnermik assut peqqarniitsumik nakkutigeqqissaarneqarluni atuutinneqarsimagaluarpoq, nunarsuarmilu allani tupaallaatigineqaqisumik.
Ataasiinnarmik meerartaartarneq iluaqussuusimagaluarpoq, aammali nunap inuisa agguataarsimanerata isikkuarnik sumiiffiit ilaanni illua tungeqarsimalluni.