Kinamiut isumaqatiginninniartartuat Taiwanimut tikippoq

Taiwan pillugu Kinamiut isumaqatiginninniartartuat Chen Yuinlin ullumi Taiwanimut tikippoq. Ukiut arlallit matuma siornatigut Taiwan Kinami aallartitanit tikinneqarsimanngilaq.
novembarip 03-at 2008 07:47

Chenip Taiwanimut tikeraarneratigut, Kinap Taiwanillu akornanni umiarsuartigut angallannikkut, timmisartumik nunat taakkua marluk akornanni toqqaannartumik timmisartuussisalernissaat aammalu nunat tamat akornanni aningaasarsiornikkut suleqatigiinniissamik isumaqatigiissusiortoqarnissaa naatsorsuutigineqarpoq.

Taiwan Kinap naalagaaffiata ilaattut ukioq 1949-imili Kinamit aalajangiusimaneqarpoq, Kinamillu oqaatigineqartarluni Taiwan pinngitsaalillugu Kinap naalagaaffianut ilanngunneqarumaartoq.

Taiwanimi maajip qaammataani præsidentimut qinersisoqarmat, Ma Ying-jeou qinigaavoq, tamatumalu kingorna Kinap Taiwanillu akornanni attaveqatigiinnerit najummatsisimanarunnaarput, maannamullu nunat taakkua marluk akornanni suleqatigiinnissamik isumaqatigiissutit arlallit atsiorneqarput.

Taiwanimi naalakkersuisunut illuatungiliuttut isumaqarput Taiwan Kinamut qanillattorpallaartoq, akerliussutsimillu takutitsinissaminnut pilersaaruteqartut, nutaarsiassaqartitisivik reuter taaamatut allaaserisaqarpoq.