Paasiniaasartut: Kinamiut aningaasaliisarnerat aarlerinartoqarpoq

Kinamiut nunatsinnut aningaasaliingaatsiarnerat politikikkullu akuliunnissaat sunniuteqarnissaallu aarlerinartoqartitsivoq. Illersornissaqarfiup paasiniaasartui aarlerinartunik paasiniaareersullu nalunaarusiami tamanna nalilerneqarpoq.

Kina Issittumut ukiuni kingullerni soqutiginnikkaluttuinnarpoq. Kinap soqutiginninnera niuernermut, ilisimatusarnermut pinngortitamiillu isumalluutinut sammineruvoq.

Soqutiginninnerali niuernermut tunngasuinnaagaluartoq kinamiut nunatsinnut aningaasaliingaatsiartarnerat immikkut ittumik aarlerinartortaqartoq, Illersornissaqarfiup paasiniaasartuisa nalilerpaat.

Illersornissaqarfiup paasiniaasartui naapertorlugit tamanna kinamiut suliffeqarfiini Kinamilu politikkikkut aaqqissuussinermi attaveqaatit qanittuarannguunerannik peqquteqarpoq.

AAMMA ATUARUK Nunarput Kinalu suleqatigiinniartut

Kinamit aningaasaliingaatsiarnerit Kalaallit Nunaanni inuiaqatigiit amerlassusaannut qanoq sunniuteqarnissaa immikkut ittumik aarlerinartoq, Illersornissaqarfiup paasiniaasartui allaaserisaqarput.

- Tassanga isumalluutinut tunngatillugu pilersaarusiornermut aningaasaliinerni politikkikkut akuliunnissaat pinngitsaaliisinnaanerulernissaallu annerulissaq.

Kina kinamiut suliffeqarfiutaata suliffeqarfiup GME-p Kuannersuarni piiaanissamik suliaqartup 12.5 procentianik siorna pisineratigut nunatsinnut ilaatigut soqutiginnilerpoq. Sermitsiaq.AG-llu kinamiut ilisimatusarfiutaat nunatsinni ilisimatusarfissamik pilersitserusuttoq oktobarimi allaaseraa.

AAMMA ATUARUK Naalakkersuisunut ilaasortat sisamat Kinamut pilerisaariartulersut

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!