Kinamita qinissavaa?
Kattusseqatigiit Partiianni siulittaasup, Inuit Ataqatigiinnik Demokraatinillu naalakkersuisooqateqartup, kina qinerniarnerlugu oqaatigerusuppallaanngilaa.
Allattoq Louise M. Kleemann
septembarip 14-at 2011 10:03
Inuit Ataqatigiinnik Demokraatinillu naalakkersuisooqateqarneq mianernartuusoq Anthon Frederiksenip akissutaani erserpoq:
- Uanga innuttaasutut pisinnaatitaaffiga naapertorlugu qanoq qinersinerlunga kimulluunniit oqaatigisariaqanngilara, partiip siulittaasua oqarpoq.
Kattusseqatigiit Partiiat Folketingimut qinersisoqarnerani suli sassartitaqarnikuunngilaq. Inatsisartunut kingullermik qinersisoqarmat partii ataaatsimik isertitaqarpoq.
Inuit Ataqatigiit, Demokraatit Kattusseqatigiillu Partiiat isumaqatigiinnerisigut Siumut avaqqullugu politikkikkut suleqatigiinneq nalinginnaanngitsoq pinngorpoq. Taamaasilluni Anthon Frederiksen Nunamut Namminermut, Pinngortitamut Avatangiisinullu naalakkersuisutut inissilluni.
