Kinamiorpassuit qaarusummi mattussaasut tupinnaannartumik annaanneqarput

Kinamiut qaarusummi sulisartut 115-it Kinami provinsimi Shanximi aamarsuarsiorfimmi qarsutsinermit eqqugaasimasumi sapaatip akunnera sinnerlugu ajoquseratik uumasinnaasimammata tupinnaannarpoq.
apriilip 05-at 2010 17:17

Aamarsuarsiorfiup sulluliartaa qanganisaq, matunikoq imermillu ulikkaartoq, marsip ulluisa 28-anni qillertoorsimavaat putullugu, aamarsuarsiorfimmilu sulisut katillugit 153-it qaarusummiit anisinnaajunnaaraluarput.

Annaassiniartartut 3000-it ilungersorlutik qaarusuk taamanili imaarniarsarilerpaat, sulisartut annaanniarlugit.

Annaassiniartartut tallimanngormat tusaariataarpaat ruujorikkut kasuttortoqarpaluttoq, sulisartullu arlaleriarlutik iserfiginiarsarereerlugit, qaarusummi sulisut qulingiluat qasoqqaqisut ippassaq annaappaat. Sulisartullu hornorujunit amerlanerit qaarusummiit ullumikkut tassa aamma anninneqarput.

- Qaarusummi mattussaasut taakku ullut unnuallu arfineq-pingasut mattussaaqqapput - tupinnartuliaavoq, qaarusummi isumannaallisaanermut pisortaq Kinami naalagaaffiup TV-qarfianut oqarpoq.

Qaarusummi sulisut kingulliit 38-t suli maqaasineqarput, annaassiniartartunillu maanna ujaarineqarlutik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq