Kinamigooq mattattullaqqinneq

Unammeriaatsit qaqutigoortut unammissutigineqartarput naggueqatigiit eqqillit inuillu WEIO-mut naalisakkamik OL-qaleraangata.

Mattattorluni nereqqaanniunnermi kalaallit pingasut peqataapput tassaasut Jokum Lange, Frederik Petersen aamma Helga Nielsen.

Frederik Petersenip iiseriarneq ataasiinnaq amigaatigaa ujaminnannissaminut taamalu normu 4-nnguinnarluni. Peqataasut nerereeraangamik ingerlaannaq nikuittarput.

- Frederik ingerlaannaq nikuinngitsoorpoq. Ingerlaannaq nikuissimagaluaruni bronzennassimassagaluarpoq, kalaallit angalaneranni siulersortaasoq Helga Nielsen oqaluttuarpoq.

5.000 meterimut arpannermi Frederik Petersen sølvinnappoq.

Tisalluni sukkaneqqusaannermi kalaallit aamma peqataapput, tassanilu tisallaqqinnerit minutsi missaliuinnarlugu aalisagaq ataaseq tisasarpaat. Jokum Lange Qeqertameersoq kalaallini tisallaqqinnersaavoq minutsit pingasut atorlugit tisagami, taamaattoq tassa ujamminnattut akornanniinngilaq.

Maanna unammeriaatsit ilisarnarnerusut tullinnguupput Arctic Winter Gamesimi unammissutigineqartartut. Tassani kalaallit Gert Mueller, Minik Møller Platou aamma Jakom Lange eqitarnermi timmiartuussaarnermilu unammeqataassallutik.

WEIO arfininngornermi naammassissaaq.