Kinami siuttut Tibetimiullu isumaqatigiinniarput
Kina-mi siuttut aallartitaasa kiisalu tibetimiut anersaakkut siuttuata Dalai Lama-p isumaqatigiinniarnerat ullumi aallartittoq ajunngitsumik inerneqarumaartoq Kinap præsidentiata neriuutigigaa tusagassiorfiit allaaseraat.
maajip 04-at 2008 17:10
Isumaqatigiinniarneq suli ingerlasoq Kina-mi tusagassiorfiit Dalai Lama pillugu aammalu tibetimiut Indiamut qimaasut pillugit sakkortuumik allaaserinnilereerput.
- Neriuppunga isumaqatigiinniarneq tamatumuuna ajunngitsumik inerneqassasoq, Kinap præsidentia Hu Jintao Beijingimi aviisit ilaanni taama issuarneqarpoq.
Dalai Lama-p siunnersortaa ullaap tungaani oqarsimanerarneqarpoq isumaqatigiinniarneq aqagu ataasinngornerup marlunngornerullu tungaanut ingerlajumaartut. Taamalu Dalai Lamap aallartitai Kinamiit pingasunngorpat sisamanngorpalluunniit aallaqqissasut erseqqissaatigalugu.
