Kinami qaartartumeerisoqarmat inuit pingasut toqutaapput
Qaammat ataaseq qaangiuppat Kinami OL-ertoqartussaq qaartartumeerisoqarpoq, inuit pingasut toqqutigisaannik.
Qaartartartut marluk Kunmingimi bussini qaartinneqarmata, inuit pingasut toqutaapput allallu 14-it ikiligaallutik.
Allattoq Mads Lynge
Tuluit nutaarsiassaqartitsiviat Reuters taama allaaserinnippoq.
Kinami oqartussaat nalunaarutigaat qaartartumeerinerit OL-ertoqarnissaanik akornusersuiniarnerusut, qaartartumeeriffigineqarsimasorlu qamutinik misissuiffiulerluni.
Qaartartoq siulleq nalunaaqutaq ullaakkut qulit qaangilaaraa qaartinneqarpoq, aappaalu minutit 55-it qaangiummata qaartinneqarluni.
Kinami illoqarfiit pingaarnersaanni Beijingimi sapaatip-akunneri pingasut qaangiuppata OL-ertoqalissaaq.