Kinami peqqinnissaqarfimmi sulisut 1716-it nualluummik nutaamik tunillatsissimasut

Kinami napparsimmavinni atortorissaarutinik amigaateqartoqartoq nalunaarutigineqarpoq. Peqqinnissaqarfimmi sulisut arfinillit nualluutip tunillaassornerani toqusimapput.
Shanghaimi peqqinnissaqarfimmi sulisut atisanik isumannaallisakkanik atikkersorsimasut angalasut qimuttuitsut unittarfianni misissorpaat. Assi © : 20200209-122151-L
Allattoq Ritzau
februaarip 15-at 2020 13:00
Nutserisoq Ivik Kristiansen

Nualluut tunillaassortoq Kinami peqqinnissaqarfinni sulisunut kingunerlutsitsisorujussuuvoq.

 

Kinami peqqinnissaqarfinni sulisut 1716-it nualluummik tunillatsissimapput. Taakkunani arfinillit toqusimapput.

 

Kinap peqqinnissamut ataatsimiititaliarsua tusagassiortunik tallimanngormat katersortitsinermi taama paasissutissiivoq.

 

- Peqqinnissaqarfinni sulisut maanna ulapittorujussuupput. Peqqissaartumik sulisinnaanissamut qasuersaarnissamullu periarfissaat killeqarput,

 

- Tarnikkut ilungersortorujussuupput, tunillatseriaannaallutillu, peqqinnissamut ataatsimiititaliarsuup ministeriata tullia, Zeng Yixin oqarpoq.

 

Peqqinnissaqarfimmi sulisuni tunillatsissimasut 87 procentii Kinap ilaani Hubeimiipput.

 

/ritzau/Reuters