Kinami panernersuaqalermat nunap ilaani marlunni innuttaasut 10 millioninit amerlanerit imissaqarnatik qilalerput.
Naalagaaffimmi tusagassiorfiit ullaaq-manna taama tusarliussipput.
Kinap avannarpasissuani aamma kimmut-kujataatungaani nunap immikkoortuani Yunnanimi apriililli qiteqqunnerata nalaani panernersuaqalerpoq.
Kinami illoqarfiit pingaarnersaata, Beijingip, avataatungaani Hebeimi ukiut 55-t ingerlaneranni aatsaat taama annertutigisumik panernersuaqarpoq.
Nunaatit, naatitat uumasuutillu imissaaleqitinneqaqaat. Innuttaasut sapinngisamik imermik sipaaqquneqarput.
Nunap immikkoortortaanut panernersuaqarnerani eqqugaanerpaanut Kinami Aningaasaqarnermut ministereqarfik 74 millioni koruuninik tapiissuteqartoq, nutaarsiassaqartitsivik Ritzau allappoq.