Kinami meeraaqqat pingajussaat toquvoq

Kinami immuit panertut Melaminimik akullit nassaarineqartualermata Arlap immunnik panertuliorfiani misissuinerni 28-ini pingasut toqunartullit paasineqarpoq. Meeqqat pingasut immuttoreerlutik toqusimapput 6000-illu tartululersimallutik. Immuerniartuni 22-ni toqunartumik Melaminimik nassaartoqarsimavoq.
Allattoq Louise M. Kleemann
septembarip 17-at 2008 09:03

Immuit toqunartumik akuneqartarsimanerat Kinamiunit ilungersunartutut isigineqarpoq. Meeqqat pingasut manna tikillugu toqoreerput, 150-it perulullutik 6.000-illu napparsimallutik. Ajornartorsiutip annertunerujussuusinnaanera aarleqqutigineqarmat Kinamiut susoqarsimaneranik sukumiisumik misissuipput, inuillu sisamat tigusarineqarsimallutik. Kinamiut ilimagaat iluanaarniapilulluni toqunartoq akuliunneqartarsimassasoq. Immuup tuniniakkap qanoq proteineqartiginera naapertorlugu akilerneqartarmat immuk imermik akoriarlugu Melaminimik akuneqartarsimagunarpoq, uuttuutigineqartuni Melamin proteinitut isikkoqartarmat. Melamin softicenut youghurtinullu annikitsumik akugitinneqartarpoq, meeqqalli immuttugassaannut immuerniartunit taama amerlatigisunit atorneqartarsimappat periuseq amiilaarnaannartutut oqaatigisariaqarpoq, Jan Larsen Kina-miit nalunaarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq