Kinami manniit aamma melaminimik akoqarput

Immuit panertut meeraaqqanut atugassiat Kinami meeraaqqat akornanni peruluutaapput, maannalu aamma paasineqarpoq manniit Kinami peruluutaalersut, taama aviisi Politiken allaaserinnippoq.
oktobarip 26-at 2008 17:10

Kinami meeraararpassuit 1000-likkaat immuit panertut akuisa ilaat melamin nappaalassutigaat, sapaatip-akunnialuillu qaangiutiinnartut paasineqarpoq taanna aku aamma manninni nassaarineqarsimasoq.

Hong Kongimi oqartussat uppernarsaapput, naliliussaq qaangeqqusaanngitsoq qaangerujussuarlugu melamin manninni akoritinneqartarsimasoq.

Akuutissarlu melamin tassaavoq plastikkiliornermi atorneqartartoq.

Kinami Inuussutissaqarneq pillugu ministerip York Chowip ilimagaa kukkukuut nerisinnerini aku taanna kukkukuut nerisassaani akuusarsimassasoq.

Sulili nalunaarutigineqarsimanngilaq inuit qasserpiaat manniit akui taakku pissutaallutik peruluuteqarsimassanersut. Kinamili oqartussat nalunaarutigisinnaavaat immuit panertut akui pissutaallutik meeraaqqat sisamat tamatuminnga toqquteqarsimammata meeraaqqallu 36.000-t tamanna nappaalassutigalugu.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq