Kinami kuussuaq FU qarsutsivoq
Kinap kujasinnerusortaani kuussuaq Fu, qarsutsimmat inuit 200-t missaannik amerlassuseqartut ajunaarput.
Allattoq Jaaku Lyberth
juunip 23-at 2010 07:32
Inuit 2,8 millionit sinnerlugit amerlassuseqartut qimarngupput, illut 195.000-it aseruatiterlutik nutaarsiassaqartitsivik Ritzau taamatut allaaserisaqarpoq.
Kuussuaq Fu Kinami nunap immikkoortuani Jiangximittoq ullut arlaqartut sialussuaarnerata kingorna ataasinngormat qarsutsivoq.
Kuussuup qarsutsinerata kingorna illoqarfik Fuzhou qarsutsiffigineqarnissaanut ulorianartorsiorfiuvoq.
Illoqarfimmi Changkaimi sakkutuut politiillu utoqqarnik meqqanik naartusunillu ikiuipput, timersortarfimmullu Fuzhouimiittunut inissillugit. Inuit 123-it ujaarineqarput.
Qarsutsineq unitsinniarlugu sakkutuut politiillu 15.000-inik amerlassuseqartut ulapipput, DR nittartakkamini tamaatut allaserisaqarpoq.
