Oqartussat annaassiniartartunik kuultisiorfimmut ornigutsitsipput. Kuultisiorfik Shandong Wucailong Investmentimit pigineqarpoq.Assi: Anne and David/flickr

Kinami kuultisiorfimmi sulisut 22-t ullut aappassaannik matoorussaasut

Kinap kangisissuani kuultisiorfimmi qaartoortoqarmat majuartarfiit ajoquserneqarsimammata, tassani sulisut 22-t matoorussaapput.

Kinap kangisissuani kuultisiorfimmi nutaami qaartoortoqarmat tassani sulisut 22-t ullut aappassaannik matoorussaapput. Nutaarsiassaqartitsivik Ritzau taama allappoq.

Kinap kangisissuani nunap immikkoortuani Shandongimi kuultisiorfik nutaaq atorneqalersorlu sapaatiummat ualikkut qaartoortoqarpoq.

Shandongimi oqartussat inoqatinut attaveqarfinni taama ilisimatitsipput.

Qaarusummi qaartoortoqarmat majuartarfiit ajoquserneqarput.

Kuultisiorfiup avammut attaveqaatai aamma aserorput, taamaammallu kuultisiorfimmi sulisut matoorussaasut attaveqarfigineqarsinnaasimanatik.

AAMMA ATUARUK Kinami aamarsuarsiorfimmi sulisut matoorussaaqqareerlutik annaanneqartut

Oqartussat annaassiniartartunik kuultisiorfimmut ornigutsitsipput. Kuultisiorfik Shandong Wucailong Investmentimit pigineqarpoq.

Kinami qaarusuit ilaanni siorna decembarimi aamma ajutoortoqarpoq. Sulisut 23-t tassani ajunaarput, Kinap kimmut kujasissuani illoqarfiup Chongqingip eqqaani qaarusummi sulisut matoorussaallutik.

Chongqingip eqqaani qaarusummi taassuma saniatigut qaammatialunnguit sioqqullugu aamma ajuoortoqarpoq, sulisut 16-it tassani ajunaarlutik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat